Муус устар 18 күнүгэр Дьокуускай куоракка Найахы сиригэр олорон ааспыт ырыа куттаах, уус-уран самодеятельность актыыбынай кыттыылааҕа, Найахы народнай хорун ветераннарын ырыаһыта , «Долгунча» ансаамбылын солистката Гоголева Мария Егоровна 85 сааһыгар аналлаах оҕолорго эбээннии ырыаны толорууга куонкурус уонна кини сырдык аатын үйэтитэн ахтыы киэһэтин төрөппүт оҕолоро, аймахтара истиҥник тэрийэн ыыттылар.
Ахтыы киэһэтигэр Найахыттан нэһилиэк баһылыга Слепцов П.А., сынньалаҥ киин дириэктэрэ Гаврильев Дь.В., «Алгыс» ветераннар түмсүүлэрин бэрэссэдээтэлэ Петрова С.Е. кыттыыны ыллылар.
Мария Егоровна ыраас мөссүөнэ, мичээрэ, истиҥ майгыта, талаана, чуор куолаһа дьоҥҥо-сэргэҕэ сырдык өйдөбүл буолан хаалбыта бэлиэтэннэ.
