Найахы нэһилиэгин түөлбэлэрин икки ардыларыгар ыытыллыбыт «ТҮӨЛБЭМ МИЭНЭ» уус-уран самодеятельность көрүүтүн кэнсиэрэ бэрт сэргэхтик, үрдүк таһымҥа ааста.
Уопсайа кэнсиэргэ 149 киһи кыттыыны ылла, 28 нүөмэр сыаналанна.
Түөлбэлэр олохтоохторо бары көхтөөх кыттыыны ыллылар. Бүгүн сыанаҕа эдэрдиин, кырдьаҕастыын бары тэҥҥэ ыллаатылар, үнкүүлээтилэр. Бииртэн биир үчүгэй ырыа ансаамбыллара , үҥкүү бөлөхтөрө тэриллэн дьоһун түһүлгэни түстээтилэр.
Сыанаҕа бастакытын тахсыбыт артыыстарбытын, көрбөтөх үнкүүһүттэрбитин, истибэтэх ырыаһыттарбытын көрөн-истэн олус үөрдүбүт, астынныбыт.
Кэнсиэри түөлбэлэртэн биирдии ыытааччылар Дайаана Фомина, Лена Рафаилова, Кирилл Румянцев, Николай Фомин иилээн-саҕалаан өрө көтөҕүүлээхтик ыыттылар.
Үҥкүүлэри Гаврильева А.В. , Миронова Н.Нь., ырыалары Афанасий Новоприезжай, Айталы Новоприезжая, Евдокия Фомина, сценкалары Гаврильев Дь.В. бэлэмнээтилэр, кэнсиэр уус-уран салайааччыта Гаврильева А.С.
Кэнсиэр түмүгүнэн:
1м — «БАЛЫКТАХ»
2м — «САЙДЫЫ»
3м — «ДЬУЛУУР» уонна «САҺАРҔА» түөлбэ бэриниилээхтик, көхтөөхтүк кыттыытын иһин диломунан наҕараадаланна.
Бу кэнсиэр сүрүн сыала-соруга түөлбэ олохтоохторун сомоҕолооһун, дьиэ кэргэн оруолун үрдэтии, кэрэ эйгэтигэр уһуйуу. Кыттааччылар, көрөөччүлэр бары түмсүбүттэрэ олус кэрэхсибиллээх.
Найахылар биир санаанан түмсүүлээхтэрэ, сомоҕолоһуулара өссө төгүл билиннэ.
