Улууспутугар икки күннээх «Мүрү үҥкүүлүүр» II өрөспүүбүлүкэтээҕи күрэх олус тэрээһиннээхтик, үрдүк таһымҥа ааста.
Былырыын өрөспүүбүлүкэбитигэр аан бастаан тэриллибит Уус-Алдан улууһун хореографтарын түмсүүтэ тэриллибитэ 25 сылыгар аналлаах үбүлүөйүн көрсө «Мүрү үнкүүлүүр» Өрөспүүбүлүкэ таһымнаах ыытыллыбыта. Быйыл иккис сылыгар Абыйтан, Чурапчыттан, Мэҥэ Хаҥаластан, Намтан, Дьокуускайтан, Хатастан, Уус-Алдантан уопсайа икки күн устата оҕолорго 27 коллектив 389 оҕо, улахан дьоҥҥо 21 коллектив 201 улахан киһи кыттыыны ыллылар. Икки күннээх күрэххэ Өрөспүүбүлүкэбитигэр биллэр-көстөр, ааттаах-суоллаах хореографтар дьүүллээтилэр:
Терютин Николай Николаевич култуура министерствотын Өрөспүүбүлүкэтээҕи норуот айымньытын дьиэтин сүрүннүүр специалиһа, РФ уопсай үөрэхтээһинин бочуоттаах улэһитэ, СР култууратын, үөрэҕириитин туйгуна, «Методист Якутии», «Учууталлар учууталлара» бэлиэ хаһаайына.
Прокопьева Елена Степановна Уус-Алдан улууһун бастакы идэлээх хореограба, ССРС культуратын, Саха Өрөспүүбүлүкэтин үөрэҕириитин туйгуннара.
Степанов Станислав Николаевич Аграфена Дмитриевна Макарова аатынан культура уонна искусство коллеһын үҥкүү салаатын салайааччыта, преподавателэ, Саха Өрөспүүбүлүкэтин культуратын үтүөлээх үлэһитэ, «Мүрү үҥкүүлүүр» күрэх дьүүллүүр сүбэтин председателэ.
Сидорова Анастасия Марковна культура уонна искусство Аартикатааҕы государственнай институт доцена, Саха Өрөспүүбүлүкэтин культуратын уонна профессиональнай үөрэхтээһинин туйгуна, Аан дойдутааҕы хореографтар союзтарын чилиэнэ.
Дмитрий Артемьев- Саха Өрөспүүбүлүкэтин народнай, Россия үтүөлээх артыыһа, Кыыл Уолун аатынан Үҥкүү тыйаатырын сүрүн артыыһа, Саха Өрөспүүбүлүкэтин үтүөлээх оһуохайдьыта, Россия театральнай Союзтарын чилиэнэ.
Олунньу 22 күнүгэр Василий Никифоров -Күлүмнүүр аатынан «Тойон Мүрү» култуура дыбарыаһыгар икки күннээх республиканскай «Танцует Мүрү» үҥкүү коллективтарын куонкурса буолан ааста.
Бастакы күн оҕо коллективтарын үҥкүүлэрин көрүүгэ Найахыттан «Көлүкэчээн» үҥкүү бөлөҕө 1 истиэпэннээх дипломант аатын ылары ситистилэр (сал.Нарыйа Миронова), иккис күн улахан дьон коллективтарын икки ардыларыгар «Чэлгийээнэ» үнкүү бөлөҕө (сал. Алена Гаврильева) 2 истиэпэннээх лауреат аатын ылла.
