Ахсынньы 1 күнүгэр Найахыбыт нэһилиэгэр Саҥа дьыллааҕы харыйа уотун уматыытын үөрүүлээх күнэ буолан ааста.
Харыйа тула оҕо-аймах мустан, Тымныы оҕонньор, Хаарчаана эҕэрдэлэринэн үөрэн-көтөн саҥа дьыл бэлиэтин биллилэр.
Найахыбыт баһылыга оҕолорго, төрөппүттэргэ харыйа уота дьиримнии умайбыт күнүгэр бэйэтин эҕэрдэтин, ааһан эрэр сыл үтүө түмүктэрдээх , кэлэр сыл элбэх ситиһиилээх буоларынан баҕа санаатын тиэртэ.
Харыйа уота сандаарыччы тыган салгыы кулууп дьиэҕэ оҕолору, тереппүттэри тоҕуоруьа муста.
Ол курдук, сынньалаҥ киин коллектива сыл түмүгүнэн үгэскэ кубулуйбут ситиһиилээх уһуйаан уонна оскуола оҕо коллективтарын, биирдиилээн талааннаах оҕолору мунньан түмүктээх «Успех -2023» кэнсиэри туруордулар. Хас биирдии оҕоҕо, коллективтарга , кинилэр салайааччыларыгар сыл ситиһиилэринэн «Успех-2023» номинация дипломнарын үрдүк сыанаттан туттардылар.
Ааһан эрэр сыл түмүгэ, ситиһиитэ сыаналанан оҕолуун, улахан дьоннуун бары астынан, дуоһуйан тарҕастылар
