Илья Иванович Артамонов аатынан Найахы сынньалаҥ киинигэр «УРУККУ КЭМ АХТЫЛҔАНА» бэрт сэргэх, үчүгэй кэнсиэр буолан ааста👍
Кырдьык даҕаны, урукку 70-80-90 сылларга кулууп дьиэтин сыанатыгар ыллаабыт, үҥкүүлээбит, дьээбэни-хообону өрө туппут уус-уран самодеятельность кыттыылаахтара, сыана ветераннара билигин да кэхтибэт талааннар буолаллар.
Ол курдук, кэнсиэри өрө көтөҕүллүүлээхтик «Күбэйэ» үҥкүү бөлөҕө ыаҕайаларын туппутунан кыраһыабай хамсаныыларынан саҕалаатылар.
Найахы хорун ветераннара Федор Петров, Матрена Сивцева, сыана ветераннара Анна Фомина, Варвара Кривошапкина истиҥ ырыалара көрөөччүнү астыннардылар, урукку кэми санаттылар. 80 с сыллартан саҕалаан элбэх оҕону, ыччаты хомуска уьуйан үөрэппит, сыана ветерана
Любовь Готовцева салайааччылаах » Дьүрүскэн» бөлөх тэбис тэҥҥэ дьүрүһүтэн хомус тыаһын ньиргиттилэр.
Үҥкүү кэрэ эйгэтин кыттыылаахтара Светлана, Федор Петровтар «Вальс», Алена Гаврильева
» Аджарскай» үҥкүүлэринэн кэнсиэри өссө киэргэттилэр.
Көр-күлүү артыыстара Мария Лебедкина, Михаил Яковлев, Лариса Арсентьева көрөөччүнү күллэрэн бэккэ сэргэхситтилэр.
Урукку кэм ахтылҕанын санаттылар ырыа ансаамбыллара, ветераннарбыт хордара.
Саастаахтар декадаларынан уонна кэлэн иһэр Ийэлэр күннэринэн «Урукку кэм ахтылҕана» кэнсиэри «Күбэйэ» үҥкүү бөлөҕө аныгылыы истииллээн «Кадриль» үҥкүүнэн бэрт сэргэхтик түмүктээтилэр👏
Күндү кэнсиэр кыттыылаахтарыгар, ветераннарбытыгар ыҥырыыбытын ылынан, дьиэ түбүгүттэн тохтоон, бэлэм аайы кэлэн эппиэтинэстээхтик кэлэн кыттыбыккытыгар барҕа махтал буоллун. Өрүү маннык чэгиэн, доруобай, барытыгар бары көхтөөх, сэргэх, куруук биһигинниин бииргэ буолуҥ🙌
Сынньалаҥ киин коллектива
