Алтынньы 5 күнүгэр
«Тиит Буурай» спорт заалга сааһырбыттар декадаларынан нэһилиэк пенсионердарыгар анаан чэбдигирдии күнэ буолан ааста.
Чэбдигирдии күнүн «Алгыс» бэтэрээннэр түмсүүлэрин салайааччыта Петрова С.Е. бар дьонун эҕэрдэлээн, «Спорт мин олохпор» диэн чэпчэки атлетикаҕа, хайыһар спордугар хас да төгүллээх призер, спорт ветерана Сивцева М.Е. тыл этиилэринэн арыйдылар.
И. И. Артамонов сынньалаҥ киинин балетмейстера Миронова Н.Нь. үҥкүү хамсаныытынан эти-сиини уһугуннаран тэрээһин кыттыылаахтарын сэргэхситтэ. Спорт ветераннара араас хайысханан маастар кылаастары көрдөрдүлэр, ол курдук,
остуол тенниһигэр Татьяна, Иван Румянцевтар, хабылыкка Мария Ушницкая, скандинавскай хаамыыга Людмила Лугинова, Надежда Лебедкина.
Салгыы кыттааччылар чэбдигирдии күнүн хамаандаҕа арахсан көрдөөх эстафетаҕа күрэхтэстилэр.
Күрэхтэһиини сынньалаҥ киин дириэктэрэ Гаврильев Дь.В. комментатордаан, иилээн-саҕалаан бэрт сэргэхтик ыытта.
Тэрээһини сынньалаҥ киин эдэр специалистара, талааннаах уолаттар истиҥ ырыаларынан киэргэттилэр.
Күрэхтэьии түмүгүнэн саастаах спортсменнарбыт кыайыыларынан өттүк харалаах, грамоталаах үөрэн-көтөн тарҕастылар.
