Култуура сылыгар аналлаах Найахы кулуубугар директорынан үлэлээн, хоровой искусство, култуура сайдыытыгар сүҥкэн кылаатын киллэрбит Илья Иванович Артамонов 100 сылыгар аналлаах «Дойдуга махтал» дьоро киэһэ буолла. Дириҥ ис хоһоонноох быыстапканы оскуола оҕолоро, библиотекарь Айталина Готовцева, уус-уран салайааччы Анисия Гаврильева кэпсээтилэр. Киэҥ программалаах кэнсиэргэ Александра Трофимова, Станислав Луковцев дьүрүһ үтэр музыкаларын, Дмитрий Готовцев, Александр Ушницкай, Евдокия Фомина, Наталья Бочкарева, Степанида Антонова ылбаҕай ырыаларын, артыыстар Матрена Готовцева, Мария Лебедкина, Михаил Яковлев, Евдокия Фомина, Дьулустан Гаврильев көрүдьүөс сценкаларын, Мария Лебедкина балта Алена Гаврильевалыын, кэрэчээн кыргыттара Наталья Лебедкина, Анастасия Соловьева имигэс үҥкүүлэрин дохсун тыаһынан астына көрдүбүт.👍🏻👏🏻👏🏻👏🏻 Найахыбыт талааннаах култуура ветераннарыгар, үлэһиттэригэр айар үлэҕитигэр ситиһиини, бар дьоҥҥо кэрэни-сырдыгы бэлэхтии, үйэлээҕи үксэтэ, айа-тута үлэлээҥ, этэҥҥэ буолуҥ.
Ветеран учуутал Светлана Петрова, Балыктаах с.
