Манна ырыа ымыылаах
Найахыбыт сиригэр
Үтүө-истиҥ көрсүһүү
Найахыга,Найахыбыт сиригэр…диэн культура энтузиаһа А.М.Степанов тылларыгар суруллубут ырыаҕа ылланарыныы,бэҕэһээ Найахыбыт сиригэр дьоро киэһэ буолан ааста.Култуура сылыгар ,Найахыга култуура дьиэтин директорынан үлэлээбит,үгүс кылаатын киллэрбит И.И.Артамонов 100сааһыгар аналлаах «Дойдуга махтал»диэн култуура үөрэхтээхтэрэ,үлэһиттэрэ киэҥ ис хоһооннох,ылбаҕай ырыалаах,нарын үҥкүүлээх,көр-нар аргыстаах кэрэ киэһэни бэлэхтээтилэр.Култуура үлэһиттэрэ диэх курдук,бары да өрө көтөҕүллэн,кыайа-хото тутан көрөөччүлэр сэргэхсийдибит.Манна бааллар дьиэ-кэргэнинэн ырыаны-үҥкүүнү баһылаабыттар.Мария Лебёдкина кыргыттарынаан,Анисия,Дьулустаан Гаврильевтар.Түөрт-биэс кыыс манна кулуупка үлэлии кэлэн баран кийиит буолан олохсуйан хаалан,дьиэ-уот тэриммиттэр.Баай ис хоһоонноох быыстапканы,стендэни,стелланы хайгыы көрдүбүт.Бары да ырыаһыттар,үҥкүүһүттэр таһымнара үрдүк,үлэ-хамнас бөҕө дьон.Көр-нар бөлөх сыанкаларын көрөн күллүбүт аҕай.Олох артыыстар курдук оонньууллар.Репертуардара да үчүгэйэ.Түмүккэ бары маннык түмсүүлээх буолуоҕуҥ.Үлэни-үөрэҕи өрө тутуохха.Култуура үлэһиттэригэр махтал!
Л.Н.Ильина.04.10.2026
