Кулун тутар 30 күнүгэр, СР култуураҕа уонна духуобунай сайдыыга министерствотын, республикатааҕы норуот айымньытын дьиэтин тэрийиилэринэн, Дьокуускай куоракка рөспубликаҕа бастакытын хоровой коллективтарга «A Capella-2024» көрүү-күрэх ыытылынна. Республика бастыҥ 8 народнай хордара кыттыбыт күөн-күрэскэ биһиги нэһилиэкпит С.Г. Васильев аатынан Найахы народнай хора (сал. Афанасий Новоприезжай, дирижер Айталы Новоприезжая) кыайыылаах буолан, 1 степеннээх лауреат үрдүк аатын сүктүлэр.
Найахыбыт хорун ырыаһыттарын бу улахан дьоһун ситиһиилэринэн эҕэрдэлиибит.
Кыайыылар өссө да кэлэ турдуннар, хоровой искусство кэрэ эйгэтэ барыбытын түмтүн!
