Кулун тутар 18 күнүгэр Найахы сынньалаҥ киинигэр кырачаан кыргыттарга «Ай талаан Куо» кыраһыабай буолуу уонна талаан бырааһынньыга Оҕо сылыгар ананан бэрт сэргэхтик ааста.
Ол курдук күрэххэ 7 сааһыттан 10 диэри уопсайа тоҕус кэрэчээн кыргыттар кыттыыны ыллылар.
Күрэх түөрт түһүмэҕинэн ыытыллан кыргыттар бука бары анал аакка тигистилэр.
Ай талаан Куо — Сайнаара Фомина, Туйгууна Куо — Аделя Акакиева, Күн Куо — Кристина Кривошапкина, Көрөөччү биһирэбилэ — Уйгулаана Фомина, Мичийээнэ Куо — Айгуль Музофарова, Күөрэгэй Куо — Айсулу Музофарова, Кэскилээнэ Куо -Тускулаана Фомина, Чэмэлиинэ Куо — Лена Местникова, Нарын Куо — Карина Дмитриева.
Оҕо кыра эрдэҕиттэн дьон иннигэр сыанаҕа тутта-хапта сылдьарын, ыллыырын, үҥкүүлүүрүн кэрэ эйгэҕэ тахсарын ситиһэр бырааһынньык элбэх көрөөччү биһирэбилин ылла.