Кулун тутар 3 күнүгэр сандал сааһы көрсө Найахы сиригэр Дьиэ-кэргэн сылынан, «Күбэйэ» үҥкүү ансаамбыла 15, «Чэлгийээнэ» 5 сылларынан, СР култууратын туйгуна, үҥкүү коллективтарын салайааччыта, хореограф Гаврильева Алена Васильевна култуура эйгэтигэр айымньылаах үлэтэ 30 сылынан төрдүс төгүлүн ыытыллар «Талба хотун» аһаҕас үҥкүү күрэҕэ үрдүк таһымҥа буолан ааста.
Үҥкүү түһүлгэтигэр Уус-Алдан, Амма, Нам, Чурапчы, Мэҥэ-Хаҥалас, Эдьигээн улуустарыттан үҥкүү коллективтара, уопсайа 76 киһи кыттыыны ыллылар.
Коллективтар икки категориянан 2 лии үҥкүүнү толордулар.
Күрэҕи СР култууратын үтүөлээх үлэһитэ, Уус-Алдан бочуоттаах олохтооҕо, А. Посельская аатынан премия хаһаайката Сивцева М.З., В.В. Никифоров-Күлүмнүүр аатынан «Тойон Мүрү» култуура дыбарыаһын балетмейстера Петрова О.С., СР култууратын туйгуна, хореограф Гаврильева А.В. сыаналаатылар.
Гала кэнсиэр үөрүүлээх чааһыгар Гаврильева Аленаны Васильевнаны айар үлэтэ 30 сылынан Найахы нэһилиэгин администрацията эҕэрдэ суруктарынан, И.И. Артамонов аатынан Найахы сынньалаҥ киинэ сыаналаах бэлэхтэри туттаран , улуус хореографтарын түмсүүтүн аатыттан махтал суруктарынан чиэстээтилэр.
«Күбэйэ» уонна «Чэлгийээнэ» үҥкүү коллективтарыгар Найахы сынньалаҥ киинин дириэктэрэ Гаврильев Дь.В. 10 000 суммалаах сертификаттарынан уонна «Мир на ладони» култуура , үөрэх ейөөһүнүн уонна сайдыытын фондатын аатыттан » Кубок столицы» международнай фестивальга Сочи , Москва куораттарга кыттыыны ылалларыгар путевка туттарда.
Күрэх түмүгүнэн : «Бастыҥ салайааччы» номинация — «Дьүөгэ» үҥкүү коллективын салайааччытыгар Петрова О.С. , бирииһи олохтоото Гаврильева А.В.,
«Бастыҥ үҥкүүнү туруорааччы» — Баишева О. Е. » Алаҕар Далбардара» коллектив салайааччыта (Чурапчы, Чыаппара), бирииһи олохтоото Лебедкина М.В.,
» Бастыҥ норуот үҥкүүтэ» — «Күндүйэ» коллектив (Уус-Алдан, Мындааба, сал. Фомина М.С.), бирииһи 4000 солк. туттарда «Күбэйэ» үҥкүү коллектива ,
Бастыҥ көстүүм» — «Урун» коллектив , Эдьигээн, сал. Петрова А. В., 5000 солк олохтоото Найахы сынньалаҥ киин,
» Үҥкүү искусствотыгар бэриниитин иһин» номинация — «Күбэйэ» коллективка, Амма 2 Чакыр, сал, Матвеева Н. М., 3000 солк. бириис туруорда «Күбэйэ» үҥкүү коллектива .
35 тэн 50 саастарыгар диэри категорияҕа :
Дипломант — «Үрүйэ» коллектив, Балыктах, Мэҥэ-Хаҥалас, сал. Долгунова Л.В.,
1 дипломант- «Күндүйэ» , Мындааба, Уус-Алдан улууһа, сал. Фомина М.С.,
Лауреат — «Урун», Эдьигээн, сал. Петрова А. В.
50 тан үөһэ саастаах категорияҕа :
3 ст дипломант — «Оһуор», Уус-Алдан,Бээди нэһилиэгэ, сал. Горохова Л.В., Бочкарева М.З.
2 ст дипломант — «Күбэйэ» , 2 Чакыр, Амма, сал. Матвеева Н.М.
3 ст лауреат — «Арчы» . Кэптэни, Уус-Алдан улууһа, сал. Сыроватская В.Е.
2 ст лауреат » Ситим» Тумул, Нам улууһа, сал, Шамаева М.В., Уваровская Р.А.
1 ст лауреат «Дьүөгэ» Бороҕон, Уус-Алдан улууһа, сал. Петрова О.С.
Кыайыылаах гран при аатын ылары ситистилэр Чурапчы улууһун Чыаппара нэһилиэгиттэн «Алаҕар Далбардара» үҥкүү коллектива, салайааччы Ефремова А. Е., хореограф Баишева О. Е. , 10 000 солк. «Чэлгийээнэ» үҥкүү коллектива олохтообут бирииһэ туттарылынна.
Күрэх түмүгэр бары коллективтарга барыларыгар «Мир на ладони» култуура , үөрэх ейөөһүнүн уонна сайдыытын фондатын аатыттан Москва уонна Сочи куораттарга ыытыллар
» Кубок столицы» международнай фестивальга салгыы кыттыыны ылалларыгар путевка туттарылынна.
«Талба хотун» аһаҕас үҥкүү күрэҕэ хас биирдии кыттааччыга , салайааччыларга , көрөөччүлэргэ умнуллубат түгэни бэлэхтээтэ
