Олунньу 2 күнүгэр Арассыыйаҕа педагог уонна наставник, Саха Өрөспүүбүлүкэтигэр Үлэ, улууска инфракструктура сылларын түмүктүүр киэҥ далааһыннаах тэрээһин үрдүк таһымҥа ааста.
Күн саҕаланыаҕыттан Тарскай аатынан саҥа спорт киинин киэҥ былассааккатыгар нэһилиэктэр уран уустарын, кэтэх хаһаайыстыбалар бородууксуйаларын дьаарбаҥкалара дьону-сэргэни түмтэ.
Ону таһынан тутатына нэһилиэктэр уус-уран самодеятельноһын кэнсиэртэрэ көрөөччүнү сэргэхситтилэр.
«Айхаллан» ырыа ансаамбыла, «Эрчим» үҥкүү бөлөҕүн кыргыттара, Афанасий Новоприезжай ситиһиилээхтик кытыннылар.
Тэрээһин иккис чааһа Улууспутугар «2023 сыл түмүктэрэ» В.В.Никифоров-Күлүмнүүр аатынан «Тойон Мүрү» култуура дыбарыаһыгар үөрүүлээх быһыыга-майгыга ыытылынна.
Араас эйгэҕэ улуус үлэҕэ бастыҥнара ааттаннылар.
Ол курдук Найахы нэһилиэгиттэн Саха Өрөспүүбүлүкэтин Ил Түмэн судаарыстыбаннай мунньаҕын аатыттан түөскэ кэтиллэр знактаах Бочуотунай грамотанан нэһилиэк Бочуоттаах олохтооҕо Румянцев Петр Васильевич , Россия үлэҕэ геройун Михаил Николаевич Готовцев аатынан анал бириэмийэ хаһаайына — И.И. Артамонов аатынан Найахытааҕы култуура сынньалаҥ киинин директора Дьулустаан Васильевич Гаврильев
наҕараадаланнылар.
Румянцев Василий Иванович «Сыл бастыҥ спортсмена» номинация аатын сүктэ.
Улууска ыытыллар комплекснай спартакиада түмүгүнэн Найахы нэһилиэгэ 2 миэстэни ылбытын үрдүк сыанаҕа бэлиэтээн туттардылар.
Наҕараадаламмыт биир дойдулаахтарбытын итиитик-истиҥник эҕэрдэлиибит! Айымньылаах үлэҕит өссө таһаарыылаах буоллун, тус олоххор дьол-соргу тосхойдун!
Найахыбыт салгыы сайыннын, тубустун!
