Ахсынньы 22 күнүгэр Илья Иванович Артамонов аатынан сынньалаҥ кииҥҥэ Найахы орто оскуолатын 1973 сыллаах выпустара оскуоланы бүтэрбиттэрэ 50 сыллаах юбилейдарын чэрчитинэн, СР култууратын туйгуна, Найахы кулуубун уус-уран салайааччыта, дириэктэрэ Румянцева Анна Степановна аатын үйэтитиитинэн уонна Найахы народнай хора 60 сылынан аан бастаан улууска тыл жанрыгар ыытыллыбыт МОНОЛОГ күрэҕэ үрдүк таһымҥа буолан ааста.
Күрэххэ уопсайа 14 кыттааччы Найахы, Мүрү, Чараҥ, Бэйдиҥэ, Хоноҕор нэһилиэктэриттэн кыттыыны ыллылар.
Күөн күрэһи улуустан СР култууратын туйгуннара, култуура бэтэрээннэрэ Макеева М.Д., Копырина М.А., В.В. Никифоров -Күлүмнүүр аатынан «Тойон Мүрү» култууратын специалиһа, режиссер Киренская Э.М. дьүүллээтилэр.
Тэрээһини «Уоланнар» уус-уран ааҕыы бөлөҕүн уолаттарын композицияларынан са5аланна. Сүрүн тэрийээччи, А.С. Румянцева оҕо сааһын доҕоро Алексеев Д.А. , оҕолоро Сергей, Анна, бииргэ үөрэммит доҕордоро талааннаах , күндү Анна Степановна туһунан ахтан-санаан ыллылар, кыттааччыларга махтал тылларын анаатылар.
1973 сыллаах выпуск аатыттан Дьокуускайдааҕы музыкальнай училище студенкатыгар, А.Румянцева сиэнигэр Айна Гоголеваҕа 30 000 биир кэмнээх стипендия туттарылынна.
Күрэх кыттааччылара бииртэн биир үчүгэй монолог толорооччулара буолан биэрэннэр , дьүүллүүргэ олус мөккүөрдээх, өр талааһыннаах буолан биэрдэ.
Ол курдук күрэх түмүгүнэн «Эдэр кэскиллээх монологу толорооччу » диэн ааттааннар Найахы орто оскуолатын 10 кылааһын үөрэнээччитигэр Гуляев Ильяҕа, Мүрү нэьилиэгиттэн Нина Андросоваҕа махтанан туран Александр Попов аатыттан бириистэр туттарылыннылар. «Көрөөччү биһирэбилэ» анал ааттар иҥэрилиннилэр (бириис 15 000 суумма А.С. Румянцева бииргэ үөрэмиттэрин ааттарыттан) Нарыйа Мироноваҕа (Найахы), Афанасий Копыринҥа (Чараҥ)15 000 суумма А.С. Румянцева уола Сергей Анатольевич кылааһын коллективын аатыттан.
3 үрдэл кыайыылааҕынан буолла Валентина Бубякина(Хоноҕор) — 15 000 суумма харчынан аймахтар ааттарыттан, 2 үрдэл (20 000 суумма төрөппүт оҕолорун аатыттан) -Алена Гаврильева (Найахы) уонна 1үрдэл кыайыылааҕынан Мүрү нэһилиэгиттэн Татьяна Домотова буолан 25 000 суумма бирииһинэн Алексеевтар дьиэ-кэргэн аатыттан бирииһинэн наҕараадаланнылар.
Бары кыттааччыларга тэрийээччилэр ааттарыттан мэтээл, махтал суруктар туттарылыннылар.
Бары тэрийээччилэр, аймахтар сүбэлэринэн монолог толоруутугар күрэҕи салгыы үгэс быһыытынан хаалларан кэмиттэн кэмигэр ыытарга диэн буолла.
И.И. Артамонов аатынан Найахы сынньалаҥ киинин уус-уран салайааччыта Гаврильева А.С.
