Аан дойдуга үҥкүү күнүн бэлиэтээн Найахы сынньалаҥ киинин дьиэтигэр үгэс быһыытынан үҥкүү түһүлгэтин кэнсиэрэ буолан ааста.
Кэнсиэргэ уһуйаан иитиллээччилэриттэн саҕалаан улахан дьонугар тиийэ араас үҥкүүлэри толорон кыттыыны ыллылар.
Кырачаан оҕолорго иитээччилэр Гуляева В.М., Местникова В.П.,Андросова Ю.И., Васильева Л.Н. туруорбут үҥкүүлэрэ, хас биирдии оҕо сэргэх хамсаныылара көрееччүнү сэргэхситтилэр. «Көлүкэчээн», » Эрчим» , алын сүһүөх үөрэнээччилэригэр олох атын суоллаах, туруоруулаах хореограф Миронова Н.Нь. үҥкүүлэрэ дьон сэҥээриитин ыллылар.
Өр кэмнэргэ үҥкүү коллективтарын араас көлүөнэлэрин салайааччылара, кэрэ эйгэҕэ сүгүрүйээччилэр Саха Республикатын култууратын туйгуннара Лебедкина М.В., Гаврильева А. В. дуэтнай, нарын хамсаныылаах үҥкүүлэрэ ытыс дохсун тыаһын ылыан ыллылар.
Араас үҥкүү күрэхтэрин кыайыылаахтара «Чэлгийээнэ» орто көлүөнэ үҥкүү бөлөҕө (сал. Гаврильева А.В. ) кэнсиэри «Саас уһуктуута» үҥкүүлэринэн дьон биһирэбилин ыллылар.