Муус устар 1 күнүгэр үгэскэ кубулуйбут «Найахылар көрсүһүүлэрэ» үтүө күҥҥэ ыраах, чугас олорор биир дойдулаахтарбыт үөрэ-көтө мустан, дойду ахтыл5анын таһааран, истиҥник, ирэ-хоро кэпсэтэн, ыалдьыт буолан, кыттыыны ылан үтүө-мааны күнү бары бииргэ көрүстүбүт.
Бу куҥҥэ Дьокуускай куорат найахылара , Боро5он найахыларын түмсүүлэрэ уонна Найахы нэьилиэгин түмсүүтүн хамаандалара спорт араас көрүҥэр күөн көрстүлэр.
Ол курдук , волейбол, теннис, саахымат, дуобат, бильярд, дартс, сыал ытыыта, канат тардыһыытын күрэхтэһиилэрэ дьону-сэргэни түмтэ, сэргэхситтэ.
Үс түмсүү салайааччылара, представителлэрэ түмсэн инники былаан, үлэ хамсааһынын туһунан ис санааттан төгүрүк остуол тула кэпсэттилэр.
Тэрээһин киэһээҥҥи өттүгэр спортивнай күрэхтэһиилэр түмүктэринэн кыайыылаахтар үрдүк сыанаттан наҕараадалананнар үөрүү өрөгөйүн туттулар.
Уопсай хамаанданан 1 миэстэ — Найахы 2 нүөмэрдээх хамаандата (сал. Слепцов П. А.
2 миэстэ — Дьокуускай найахылара түмсүү (сал. Новгородова И. С.)
3 миэстэ — Боро5он найахылара түмсүү (сал.Сивцев П.С.), ылары ситистилэр. Көһөрүллэ сылдьар кубок Найахы найахыларыгар хаала.
«Дойдум ырыата ыраахтан ыҥырар» түмсүүлэр эҕэрдэ нүөмэрдээх кыттыылаах Найахы кэнсиэрэ бэт сэргэхтик үрдүк таһымнаахтык ыытыллан дьону-сэргэни өссө астыннарда, түмтэ.
Кэнсиэр кэннэ кулууп фойетыгар уһун остуол устун «Найахы тумсуу 2023» (ааптар Федорова Наталья Егоровна )бырааһынньыктаагы торт тардыллан биир дойдулаахтарбытыгар күндүлэннэ.
Найахылар , биир дойдулаахтар иллээхтик түмсэн, сомоҕолоһон маннык кэрэ кэмнэри өссө да кэрэтик көрсүөхпүт, түмсүөхпүт диэн үөрэ-көтө тарҕастылар.
