Алтынньы 19 күнүгэр сынньалаҥ киин дьиэтигэр саастаахтар декадаларын түмүктүүр, Саха сиригэр Ийэ, Арассыыйаҕа аҕа күннэринэн дьоро киэһэ буолан ааста.
Дьоро киэһэ истиҥ эҕэрдэ тылларынан, флэшмоб үҥкүүнэн саҕаланна.
Бу киэһэ нэһилиэк аҕам саастаахтара, убаастанар ыал аҕалара, эйэҕэс эһээлэрэ Федор Дмитриевич, Аркадий Семенович үбүлүөйдээх 75 саастарынан үөлэннээхтэрин , биир дойдулаахтарын , тэрийээччилэр ааттарыттан эҕэрдэ тылларынан, суругунан бэлиэтэннилэр.
Үгэскэ кубулуйбут «Минньигэс бүлүүдэ» куонкуруска Е.Д. Лукачевская, «Күһүҥҥү фантазия» сэлээппэ күрэҕэр М.И. Ушницкая кыайыылааҕынан буоллулар.
«Сто к одному» олохтоох модельнай билбиотека библиотекаря А.С. Готовцева бэлэмнээбит интеллектуальнай оонньуутугар В.Д.Федорова бастакы миэстэни ылла.
Ветераннар түмсүүлэрин биир актыыбынай кыттааччыта Л.Н. Ильина бырааһынньык кыттыылаахтарыгар бэрт интириэһинэй викторина бэлэмнээн, ыытан сэргэхситтэ.
Аҕам саастаахтарбытын истиҥ ырыаларынан эҕэрдэлээтилэр Дь.В.Гаврильев, Э.С. Марков, Ф. Д. Петров.
Дьоро киэһэ хоруолунан Федор Петров, королеватынан Любовь Ильина буоллулар.
«Алгыс» ветераннар түмсүүлэрин бэрэссэдээтэлэ С.Е. Петрова бар дьонугар оонньуу, күрэхтэһии аайы хас биирдиилэригэр бириис туттартаан бэлэх оҥордо.
