Илья Иванович Артамонов аатынан Найахы сынньалаҥ киинигэр сааһырбыттар декадаларынан ротангаттан өрүллүбүт КАШПО оҥоруутугар маастар кылаас далбар хотуттарга анаан ыытылынна. Маастар кылааһы сынньалаҥ киин специалиһа Андросова Ю.И. ыытта.
Икки күн устата маастар кылаас бэрт тэрээниннээхтик, сэргэхтик ыытылынна. Кэрэ аҥардар дьиэ-уот түбүгүттэн сынньанан, сылаас-кулууп дьиэҕэ мустан олорон кэрэҕэ үөрэнэн, ирэ-хоро кэпсэтэн, сэргэхсийэн тарҕастылар. Дьиэ-уот тупсаҕай көстүүлээх буоларыгар бэйэ илиитинэн оҥоһуллубут кыраһыабай кашполарын бырааһынньыгынан бэлэх оҥостон илдьэ бардылар.
Маннык туһалаах күннэри атаарбыттарынан махтал тылларын эдэр специалистка , маастардарыгар махтал тылларын анаатылар.
Кэрэни кэрэхсээн, үтүөнү түстээн!
