Иван Иванович Гоголев-Дыргыабай аатынан Найахы орто оскуолатын быйыл 11 выпускник ситиһиилээхтик түмүктээтэ.
Бу кылаас сүрдээх дьоҕурдаах, барытыгар бары дэгиттэр талааннаах оҕолор буолан кыра оҕо саастарыттан ырыаҕа, үҥкүүгэ, уус-уран ааҕыыга Найахы сынньалаҥ киин иһинэн куруһуоктарга дьарыктанан ситэн-хотон, сайдан, элбэх араас таһымнаах кэнсиэртэргэ, куонкурустарга, бэстибээллэргэ кыттан элбэх ситиһиилэри ситиһэн нэһилиэктэрин, оскуолаларын ааттарын ааттаталларынан киэҥ туттабыт!
11 кылаас үөрэнээччилэрин, «Долун», «Көлүкэчээн» үҥкүү бөлөхтөрүн үҥкүүһүттэрин, «Уолан» уус-уран ааҕыы хоһоонньуттарын, ырыаһыт оҕолорбутун: Сандал Сивцевы, Денис Харитоновы, Айсен Марковы, Тима Арсентьевы, Халит Музофаровы, Алира Исакованы, Ангелина Тимофееваны уонна 9 кылаас выпускнига Сайаана Гаврильеваны үөрэх дьылын түмүктүүр бүтэһик чуораан чугдаарар күнүнэн эҕэрдэлээн Илья Иванович Артамонов аатынан Найахы сынньалаҥ киинин аатыттан бочуотунай грамота туттарылынна.
Ону таһынан улуус култуураҕа управлениятын уонна сынньалаҥ киин профсоюзтарын аатыттан 11 кылаас выпускнигар Андросов Эдикка уонна Гаврильева Сайаанаҕа эҕэрдэ сурук уонна анал стипендия туттарылынна.
Күндү оҕолорбутугар баҕарабыт биир кэлим экзаменнаргытын ситиһиилээхтик туттаран, сөбүлүүр үөрэххитигэр киирэн, үөрэхтээх, үлэһит мааны дьон буолан салгыы табыллан, сатабыллаахтык айаннныыргытыгар.
Ханна да тиийдэргит төрөөбүт дойдугутун, нэһилиэккитин, оскуолаҕытын куруук ахта-саныы сылдьыҥ, элбэххэ үөрэниҥ, сайдыҥ, айа-тута сылдьыҥ, актыыбынай көрүүлээх буолуҥ!
Дьол, саргы, үтүө эрэ аргыстаах буолуҥ!
