Найахыга Саха сиригэр ырыа күнүн бэлиэтээн Дүпсүн уонна Найахы нэһилиэктэрин холбоһуктаах ырыа түһүлгэтин кэнсиэрэ буолан ааста.
Икки нэһилиэк оҕо-аймахтан саҕалаан улахан дьон талааннаах ырыаһыттара көрөөччүгэ истиҥ киэһэни бэлэхтээтилэр.
Уопсайа кэнсиэргэ 81 кыттааччы кыттыыны ылла.
Кэнсиэри Найпхытааҕы «Чэчир» оҕо саадын иһинэн тэриллибит «Нуурал» ырыа ансаамбыла Сахам Сирэ ырыанан саҕалаатылар.
Ырыа түһүлгэтигэр Улуу Кыайыы 80 сылынан биирдиилээн оҕолор уонна оҕо ансаамбыллара ветераннарга анаан , кинилэргэ махтанан сэрии кэминээҕи ырыалары сүрдээх үчүгэйдик толорон бэлэх ууннулар.
Найахы дьонугар-сэргэтигэр Дүпсүн нэилиэгиттэн ырыаһыттар сүрдээх үчүгэйдик тэринэн кэлэн, нэһилиэкпит талааннаах ырыаһыттара, ансаамбыллара ырыа күнүнэн истиҥ ырыалары анаатылар.
Бу киэһэ элбэх ырыа ылланна, самаан сайыны көрсө санаа көтөҕүлүннэ.
Ырыалары бэлэмнээтилэр Найахы сынньалаҥ киинин хормейстера Новопррезжая А.А., Найахы орто оскуолатын музыкаҕа учуутала Аргунова С.А., Чэчир оҕо саадын музыкальнай салайааччыта Арсентьева Л.К., Дүпсүн орто оскуолатын музыкаҕа учуутала Бочкарева Н. Г.
