Ыам ыйын 8 күнүгэр Кыайыы 80 сылын бэлиэтээн Найахы нэһилиэгиттэн Аҕа дойду сэриитигэр Ийэ дойдуларын көмүскүү барбыт биир дойдулаахтарын, буойуттары кэриэстээн Найахылар «Саллаат аартыга» бэлиэ сиргэ өйдөбүнньүк күнү бэлиэтээтилэр.
Маннык кэриэстэбил күн үгэс быһыытынан сылын аайы ыытыллара нэһилиэк ветераннарыгар, сэрии оҕолоругар, кэлэр ыччакка бэлиэ өйдөбүлү хаалларар.
Бу күн Найахыттан сэриигэ аттаммыт саллааттар ааттара ааттанар, кинилэргэ анаан бэлэмнэммит ис хоһоонноох тыл-өс этиллэр. Мэҥэ тааска өйдөбүнньүк гирлянда ууруллан, сүгүрүйүү, махтаныы түгэнэ ыытыллар.
Ырыа ылланар, хоһоон толоруллар.
Эйэлээх олоҕу анаабыт аҕаларбыт, эһээлэрбит, биир дойдулаахтарбыт — кинилэр көмүс ааттара өрүү биһиги сүрэхпитигэр!
Өйдүүбүт, Сүгүрүйэбит, Махтанабыт!
