Ыам ыйын 2 күнүгэр, Аан Дойдутааҕы үҥкүү күнүн бэлиэтээн, Кыайыы 80 сылын көрсө, Маай бырааһынньыктарынан Найахыбыт кулуубун үрдүк сыанатыгар араас омук үҥкүүлэрин түһүлгэтин кэнсиэрэ көрөөччүнү сэргэхситтэ.
Кэнсиэргэ кырачаан уһуйаан оҕолоруттан саҕалаан, улахан дьоҥҥо тиийэ, 12 коллектив, уопсайа 94 кыттааччы кытынна, 25 бииртэн биир үчүгэй үҥкүүлэр үҥкүүлэннилэр.
Кэнсиэри чорооннорун өрө тутан биир тэҥник хамсанан Саһарҕа түөлбэ үҥкүүһүттэрэ бэккэ саҕалаатылар, салгыы соторутааҕыта эрэ Санкт-Петербург куоракка Норуоттар икки ардыларыгар ыытыллыбыт бэстибээл лауреаттара «Долун» уол оҕо үҥкүүтүн кэллэктиибэ «Өбүгэ оонньуулара» үҥкүүлэринэн сыанаҕа таҕыстылар.
Кыайыы 80 сылынан кырачаан уһуйаан иитиллээччилэрин үҥкүүһүттэрэ таҥас-сап кэтэн араастаан хамсанан, көрөөччүнү сэргэхситтилэр, салайааччылар А.В. Стрекаловская, В.М. Гуляева, М.Н.Рожина.
«Күбэйэ» уҥкүү бөлөҕһ «Синий платочек», «Чэлгийээнэ» «Смугляночка», Чэчир оҕо саадын иитээччилэрин толоруутугар «Сэттэ кут туруйа» , Көлүкэчээн» кыра бөлөҕүн кыргыттарын толоруутугар Катюша», «орто бөлөҕүн толоруутугар Тальяночка» үҥкүүлэрэ, Кыайыы бырааһынньыгын көрсө үҥкүүлэннилэр.
Ону таһынан, оскуола алын сүһүөҕүн оҕолоруттан саҕалаан биирдиилээн, дуэтнай , бөлөҕүнэн норуот үҥкүүлэрэ туруоруллан кэнсиэри киэргэттилэр.
Үҥкүү түһүлгэтин элбэхтик араас сирдэргэ, кэнсиэртэргэ, куонкурстарга кыттар Күбэйэ, Чэлгийээнэ кэрэ үҥкүүлэринэн уонна Долун уол оҕо үҥкүүһүттэрин кыра бөлөҕө, Санкт-Петербург куоракка ыытыллыбыт норуоттар икки ардыларынааҕы бэстибээл лауреаттара «Хаар үҥкүүлэринэн» түмүктээтилэр.
Маннык элбэх, кэрэ үҥкүүлэри туруорда, кэллэктиибтэр бары салайааччыта, хореограф СР култууратын туйгуна А.В.Гаврильева.
Үҥкүү үҥкүүлэнэригэр , тупсаҕай көстүүлээх буоларыгар таҥас-сап тиктэн өрүү өйөбүл буолар төрөппүттэрбитигэр, иистэнньэҥнэрбитигэр барҕа махталбытын тиэрдэбит!
Үҥкүүнү таптаан, үҥкүүнэн дьарыктанын! Кыраһыабай, чөл олохтоох буолуҥ!
