Улуу Кыайыы 80 сылын көрсө, Найахы нэһилиэгэр Кыайыы Знамята нэһилиэк устун айанныаҕа.
Бу бырайыагы нэһилиэк «Алгыс» ветеран Сэбиэтин түмсүүтэ олоххо киллэрэн,
Илья Иванович Артамонов аатынан Найахы сынньалаҥ киинигэр муус устар 15 күнүгэр үөрүүлээхтик тэрээһин арыллан , нэһилиэк аҕа баһылыгар Слепцов Петр Анатольевичка, ветераннар Сэбиэтин салайааччытыгар Петрова Светлана Егоровнаҕа туттарылынна.
Тэрээһиҥҥэ сэрии оҕолоро, тэрилтэ салайааччылара, нэһилиэк депутаттара, үһүс саас оскуола кыттыылаахтара, ахтыбыыстара, оскуола 10 кылааһын үөрэнээччилэрэ кыттыыны ыллылар.
Нэһилиэк баһылыга Кыайыы 80 сылын көрсө Кыайыы Знамята кыттыылаах тэрээһиннэр бүгүн саҕаламмыттарынан , арыллыбытынан биллэрдэ.
«Алгыс» ветераннар түмсүүлэрин салайааччыта Светлана Егоровна , бу кытыастар кыһыл Кыайыы былааҕа Дойду үрдүнэн аймаабыт кырыктаах сэриигэ кыттыыны ылбыт биир дойдулаахтарбытын, төннөн кэлбэтэх уонна дойдуларыгар төннөн кэлбит саллааттары ахтан -санаан, эйэлээх олох инин толук уурбут буойуттары кэриэстээн тыл эттэ.
Настаабынньыктар общественнай түмсүү салайааччыта Зинаида Афанасьевна кэлэр кэнчээри ыччакка бу суолталаах Знамя туһунан ис дириҥник кэпсээтэ, дойду туһугар бэриниилээх буолар туһунан өйдөтүүнү туоһулаан тиэртэ. Кыайыы Знамята Салгыы Знамя бизнес инкубатор уонна «Чэчир» оҕо саадын дьиэтигэр айаннаата.
Тэрээһини иилээн-саҕалаан сынньалаҥ киин дириэктэрэ Дьулустан Васильевич ыытта, Омук уолун тылларыгар «Кыайыы ырыатын» Афанасий Новоприезжий өрө көтөҕүллүүлээхтик толорон Кыайыы бырааһынньыгын бэлиэтин ветераннары астыннарда.
Муус устар 18 күнүгэр Знамя салгыы 8 с нүөмэрдээх Баһаарынай чаас дьиэтигэр хаамыаҕа.
УЛУУ КЫАЙЫЫ 80 СЫЛЫНАН!
