Кулун тутар 25 күнүгэр Арассыыйаҕа култуура үлэһитин күнүгэр анаан «Күн эйгэ – көлүөнэ ситимэ» култуура бастыҥ үлэһиттэрин талар күөн-күрэс «Тойон Мүрү» култуура дыбарыаһыгар буолан ааста.
Куонкуруска Найахыбыт нэһилиэгин култууратын бэтэрээнэ Мария Лебедкина, балетмейстер Алена Гаврильева ситиһиилээхтик кытыннылар.
Уопсайа алта нэһилиэктэн култуура икки көлүөнэ үлэһиттэриттэн биирдии бастыҥ үлэһиттэр кытыннылар.
Куонкурус түһүмэхтэринэн кыттааччылар бэйэни билиһиннэрдилэр, бырайыактарын көмүскээтилэр, талааннарын, көрөөччүлэри кытта үлэлиир сатабылларын оонньуу ыытан көрдөрдүлэр.
Түмүккэ үһүс бочуоттаах миэстэни улуустааҕы кииннэммит бибилэтиэкэ үлэһиттэрэ Ольга Павлова, Мария Заболоцкая (Мүрү), иккис миэстэни Александра Саввина, Лилия Бурцева (Өлтөх) ситистилэр. Оттон куонкурус кыайыылааҕынан Найахыбыт култууратыттан эдьиийдии балыс Мария Лебедкина, Алена Гаврильева үрдүк таһымнаахтык кыттан кыайыыны ситистилэр.
