Аан дойду дьахталларын күнүнэн, сааскы маҥнайгы бырааһынньыгынан Найахыбыт күүстээх аҥардара үгэскэ кубулуйбут «Ис сүрэхтэн» диэн нэһилиэк кэрэ аҥардарын бырааһынньыгынан эҕэрдэлээн бэртээхэй киэһэни тэрийдилэр.
Быйылгы эҕэрдэлэрэ уратытык ыытыллан сонун буолла.
«Тиит Буурай» спорт кииҥҥэ минньигэс астаах остуол тэрийэн, заалы кэрэтик симээн, киэргэтэн , кэрэ аҥардарга анаан сэргэх көрдөөх күрэхтэһиилэри, лотерея оонньуутун ыыттылар.
Бырааһынньыгы уус-уран тылларынан хоһоонунан эҕэрдэлээн саҕалаатылар, олохтоох дьаһалта , кулууп, оскуола , баһаарынай чаас уолаттарын ансаамбыллара, Эдуард Марков истиҥ ырыалара кэрэ бэлэх буолла.
Нэһилиэкпит кэрэ аҥардара бары да астынан, дуоһуйан, сынньанан тарҕастылар.
