Кулун тутар 1 күнүгэр
Найахы кэрэ аҥардарыгар Аан дойду дьахталларын күнүн көрсө доруобуйа, кыраһыабай буолуу, чөл олоҕу тутуһуу күнэ буолан ааста .
Ол курдук, Дьокуускай куораттан анал физкультураҕа уонна спорт специалиһа, СР доруобуйа харыстабылын туйгуна, Кундалини йога преподавателя, КОУЧ йогаҕв — Желлаева Оксана бэйэни көрүнүүгэ маастар кылаастары, йогаҕа дьарыктары ыытта.
Дьарыкка уопсайа 20 кэрэ аҥар кэлэн кыттыыны ылан астынан, дуоһуйан, доруобуйаларыгар туһанан, элбэҕи билэн тарҕастылар.
Маастар кылаас кэннэ саха балаҕаныгар сандалы остуол тула ыалдьыттары кытары ирэ-хоро кэпсэтии, санаа атастаһыыта буолла.
Тэрээһин түмүгүнэн ыалдьыттарга махтал сурук туттарылынна, иистэнньэҥнэр оҥоһуктарын , «Симэхтэр» үбүлүөйдээх күннэригэр тахсыбыт кинигэлэрин бэлэх ууннулар.
«Олус үчүгэй тэрээһин буолла. Инникитигэр маннык бэйэни көрүнүүгэ дьарыктары ыытан, йоганан дьарыктаныахха » диэн санааҕа киирдилэр нэһилиэкпит кэрэ аҥардара.
