Олунньу 24 күнүгэр Дьокуускайга Өрөспүүбүлүкэтээҕи национальнай библиэтиэкэтигэр история саалатыгар Саха АССР култууратын үтүөлээх үлэһитэ, Үлэ Кыһыл Знамя орденын кавалера , Найахы хорун төрүттээччи, хормейстер Семен Гаврильевич Васильев үбүлүөйдээх 95 сылыгар аналлаах , кини сырдык аатын ахтар-саныыр, үйэтитэр «Кыайыылаах улэнэн — кынаттаах ырыанан» диэн ааттаах төгүрүк остуол тула норуот муһунна.
Тэрээһин тэрийээччилэринэн буолаллар Бүтүн Арассыыйатааҕы хор уопсастыбаннаһын тэрилтэтэ, Уус-Алдан улууһун култуураҕа салалтата, «Найахы нэһилиэгэ» тыа сирин түөлбэтэ , И.И. Артамонов аатынан Найахы сынньалаҥ киинэ.
Төгүрүк остуол тула муһуннулар хор ускуустубатын деятеллэрэ , Найахы хорун ветераннара, хор састааба, хормейстердар , култуура үтүөлээх үлэһиттэрэ, Семен Гаврильевич аймахтара.
Тэрээһин Семен Гаврильевич олоҕун уонна Найахы хорун туһунан Найахы орто оскуолатын «Ситим» медиапрезентация таҥан оҥорбут видеороли көстүүтүнэн саҕаланна.
Найахы нэһилиэгин баһылыга Слепцов П.А. кэлбит ыалдьытары эҕэрдэлээн тэрээһини арыйда.
Үтүө күҥҥэ кыттыыны ыллылар, Уус-Алдан улууһа култуураҕа салалтатын салайааччыта Нафанаилов С.С., Өрөспөбүүлүкэтээҕи хор уопсастыбаннаһын бэрэссэдээтэлэ, СР ускуустубатын үтүөлээх деятелэ , Арассыыйа композитордарын сойууһун бочуоттаах деятелэ, СР култууратын туйгуна Павлова-Борисова Т.В., РСФСР үөрэҕириитин туйгуна , педагогическай үлэ бэтэрээнэ, Уус-Алдан улууһун, Найахы нэһилиэгин бочуоттаах олохтооҕо Винокурова М.П., Арассыыйа, Саха АССР култууратын үтүөлээх үлэһитэ, Уус-Алдан улууһун, Найахы нэһилиэгин бочуоттаах олохтооҕо, «Кэнчээри» үтүөлээх оҕо народнай образцовай кэллэктиибин салайааччыта Парников В.С., Найахы народнай хорун аан маҥнайгы ырыаһыта, педагогическай үлэ бэтэрээнэ, РСФСР үөрэҕириитин туйгуна, Гражданскай килбиэн бэлиэ хаһаайына Мухина В.П., Бээрийэ нэһилиэгин баһылыга Васильев П.В., И.И. Артамонов аатынан Найахы сынньалаҥ киинин дириэктэрэ, СР култууратын туйгуна Гаврильев Дь.В., Семен Васильев аймахтарын аатыттан Комиссарова В.И.-Күлүмүрэ.
Тэрээһиҥҥэ 2021 сыллаахха С.Г.Васильев олоҕун , үтүмэн үлэтин кэпсиир дириҥ, истиҥ ахтыылардаах кинигэ тахсыбытын туһунан өссө сырдатылынна, уһулуччу талааннаах үтүө киһи туһунан элбэх ахтыылар, санаалар этилиннилэр. Салгыы кеҥүл кэпсэтиигэ Адамова С.С., Федорова Г.Г., Решетникова С.М., Гоголева С.М.,
Найахы хорун ветераннарын санааларын, этиилэрин иһиттибит.
Төгүрүк остуол түмүгүнэн тыа сирин хорун ускуустабата сайдарын, Семен Гаврильевич аатын үйэтитэр үлэлэр ыытыллалларыгар 12 пууннаах резолюция ылылынна.
Найахы нэһилиэгин дьаһалтатын, култууратын дьиэтин аатыттан истиҥ бэлиэ күнүнэн Найахы хорун ветераннарыгар, тэрийээччилэргэ махтал суруктар, С.Г.Васильев кинигэтэ, сибэкки дьөрбөтө туттарылынна.
Үтүө киһи аата ааттана турдун, салгыы кыайыылаах ырыа ылланнын !
