Улуу Кыайыы 80 сылынан бэстибээл Найахыга ыытылынна.
Олунньу 21 күнүгэр Найахы нэһилиэгэр Улуу Кыайыы 80 сылын көрсө, Арассыыйаҕа Аҕа дойдуну көмүскээччилэрин, Саха Өрөспүүбүлүкэтигэр Ийэ дойдуну көмүскээччилэрин, Уус-Алдан улууһугар тыа хаһаайыстыбатын сылларынан улуус нэһилиэктэрин икки ардыларыгар «Уруйдуубут Улуу Кыайыыны!» бэстибээл өрө көтөҕүллүүлээхтик буолан ааста.
Бэстибээл икки көрүҥүнэн ыытылынна, ол курдук 1941-1945 сылларга Аҕа дойду сэриитин кыттыылаахтарын кэпсиир , сырдатар быыстапка көрүүтэ, иккиһинэн нэһилиэк уус-уран самодеятельноһын көрүүтүн кэнсиэрэ.
Нэһилиэк быыстапкатын дириҥ ис хоһоонноохтук бэлэмнээн көрдөрүүгэ таһаардылар олохтоох модельнай библиотека (Готовцева А.С.), И.И. Гоголев аатынан Найахы орто оскуолатын музейа (сал. Васильева В.П.), оскуола библиотеката (Рожина М.Н. ), сырдатан кэпсээтилэр оскуола үөрэнээччилэрэ, учууталлара.
Быыстапка түмүгүнэн
В.П.Васильева хас биирдии кылаас оҕолоругар бэйэтэ илиитинэн оҥорбут плакаттара альбом буолан «Кыайыыны уһансыбыт төрүттэрим» бырайыага дьүүлгэ биһирэннэ, сонун буолан иһилиннэ.
«Сэрии экспоната» разделга саллаат сэриигэ илдьэ сылдьыбыт мала-флягата интириэһинэй сырдатыынан бэлиэтэннэ.
Бэстибээл иккис чааһыгар — кэнсиэргэ уус-уран самодеятельность кыттыылаахтара сэрии, кыайыы тиэмэтигэр кэнсиэри көрдөрөн көрөөччүнү, дьүүллүүр сүбэни биир тылынан астыннардылар да, долгуттулар даҕаны.
Ол курдук хор «Кэриэстэбил» ырыатыгар саалаҕа олорор көрөөччүлэр сүһүөхтэригэр туран дьүүллүүр сүбэни долгутта.
Үҥкүү коллективтара «Чэлгийээнэ», «Эрчим» (сал. Гаврильева А.В.) хас биирдии ырыа толоруутугар ис хоһоонун арыйан үҥкүүлээбиттэрэ нүөмэри өссө тупсаран биэрдилэр. Сэрии саҕанааҕы «Синий платочек» ырыаҕа көлүөнэнэн вальс, Алена Гаврильева, Наина Спиридонова «Катюша» уҥкүүлэрэ , «Эрчим» ыччат бөлөҕө «Чороонноох», «Чэлгийээнэ» кэрэ кыргыттара «Мүрү алааһа» , хореограф Алена Васильевна Гаврильева » Ийэ эрэлэ» үҥкүүнү толоруулара көрөөччүнү астыннардылар.
» Айхаллан» ырыа ансаамбыла «Баллада о солдате» ырыата, «Дорооболорун, өлбүт доҕотторум…» уус-уран ааҕыы (сал. Гаврильева А.С.), Афанасий Новоприезжий «Мин мантан сэриигэ барбытым», Евдокия Фомина «Харыстаан олоҕу», эдэр саҥа талаан Иван Фомин «Сахам сирэ барахсан» ырыалары толоруулара, Анжелика Сидорова, Лариса Арсеньева «Алеша» дуэттара, сыана бэтэрээннэрэ «Улэ ырыата» ырыаны ыллаабыттара , үлэни инсценировкалаан көрдөрбүттэрэ, Елизавета Рожина кылыһахтаах куолаһынан оһуохайа, «Дьүрүскэн» хомусчуттар бөлөхтөрө хомуска дьүрүһүтэн охсубуттара , «Сэттэ кут туруйа» ырыаны квартет , Найахыына ансаамбыл «Огонек» ырыалара барыбытын да астыннардылар, көрөөччү күүстээх ытыс тыаһын ыллылар.
Бэстибээли сыаналаатылар Уус-Алдан култууратын управлениятын сүрүн исписэлииһэ Лугиноаа А.Е., «Тойон Мүрү» култуура дыбарыаһын уус-уран салайааччыта Варламова В.Р., Уус-Алданнааҕы этно-культурнай киин уус-уран салайааччыта Данилова Е.Н., Кулантай аатынан литературнай-музейнай киин сэбиэдиссэйэ Крылова Клара Анатольевна, Уус-Алданнааҕы ситим оҕо библиотекатын сэбиэдиссэйэ Портнягина Вера Алексеевна.
