Олунньу 14 күнүгэр Улуу Кыайыы үбүлүөйдээх 80 сылын көрсө, Василий Парников 80 сааһыгар аналлаах улуус оскуолаларын икки ардыларыгар ыытылла турар «Кэнчээри ыччаты кэрэҕэ уһуйан» бэстибээл көрүүтүгэр Иван Иаанович Гоголев-Дыргыабай аатынан Найахыбыт орто оскуолатын үөрэнээччилэрин кэнсиэрэ ситиһиилээхтик ааста.
Уопсайа кэнсиэргэ 91 оҕо кыттыыны ылла.
Тэрээһин Ийэ тыл күнүгэр анаммыт «Уолан» уус-уран ааҕыы уолаттарын дьүһүйүүлэринэн эҕэрдэлээн арылынна.
Оҕо-аймаҕы кэрэҕэ тардан күргүөмүнэн хорунан Уус-Алдан гимнын, Кыайыы ырыалара ылланнылар, үҥкүүлэр үҥкүүлэннилэр, холкуос саҕанааҕы сценка оонньонно. Ырыаҕа биирдиилээн саҥа талааннар арылыннылар.
Оҕолор ырыалара-тойуктара, үҥкүүлэрэ көрөөччүнү, хас биирдии төрөппүтү астыннардылар.
Кэнсиэр уус-уран салайааччылара төрүт култуура учуутала Рожина Е.Е., иитэр-үөрэтэр үлэҕэ дириэктэри солбуйар завуч Фомина Е.Г.
Оскуола кэллэктиибигэр, куруһуок салайааччыларыгар , төрөппүттэргэ истиҥ эҕэрдэ, махтал буолуохтун.
