Тохсунньу 14 күнүгэр эргэ саҥа дьылы көрсө, ааспыт сыл түмүктэринэн Найахы сынньалаҥ киинин бырайыагынан уһуйаан иитиллээччилэригэр уонна оскуола үөрэнээччилэригэр үгэскэ кубулуйбут «Успех» номинация туттарылаах саҥа дьыллааҕы кэнсиэр буолан ааста.
Кэнсиэргэ уопсайа 112 оҕо, 9 салайааччы кыттыыны ыллылар.
Тэрээһин сыл түмүгүнэн ырыа, үҥкүү, уус-уран ааҕыы, фольклор кэрэ эйгэлэригэр дьарыктанар оҕолор араас таһымнаах конкурстарга, күрэхтэргэ кыттан, үрдүк ситиһиилэрин бэлиэтээн И.И.Артамонов аатынан Найахы сынньалаҥ киинин аатыттан хас биирдии оҕоҕо , салайааччыларга дипломнар уонна анал статуэткалар туттарылыннылар.
Маннык өрө көтөҕүүлээх тэрээһиннэр оҕо-аймаҕы үөрдэр, үрдүккэ, кэрэҕэ тардыһалларын өссө кынаттыыр.
Салайааччыларга, төрөппүттэргэ эҕэрдэ бастыҥын уонна махтал тылларын аныыбыт!
Оҕо -аймахха өрүү КҮН баар буоллун!
👏👏👏👏👏👏
