Илья Ианович Артамонов аатынан Найахы сынньалаҥ киинигэр Ийэлэр күннэрин көрсө «Ийэ баар буолан…» бырааһынньыктааҕы эҕэрдэ кэнсиэр буолан ааста.
Кэнсиэри нэһилиэк аҕа баһылыга Слепцов П.А. эҕэрдэ суруктаах, сибэкки дьөрбөлөөх элбэх оҕолоох ийэлэргэ Арсентьева А.Н., Сивцева Т.К., уонна ытык кырдьаҕас ийэ Румянцева М.И. эҕэрдэ тылын анаан үрдүк сыанаттан эҕэрдэлээн ийэлэри үөртэ.
Кэнсиэргэ уопсайа 36 үҥкүүһүт, 19 ырыаһыт кыттан көрөөччүгэ истиҥ киэһэни бэлэхтээтилэр.
Ол курдук, үҥкүү кэрэ эйгэтигэр саҥа уһуйуллан эрэр кырачаан үҥкүүһүттэр сэргэх үҥкүүлэрэ, VIII с «Азия оҕолоро» спортивнай оонньуулар кыттыылаахтара «Көлүкэчээн» коллектив тэтимнээх үҥкүүлэрэ төрөппүттэри сэргэхситтилэр.
Эдэр ийэлэр Дэгэрэн үҥкүүлэрэ, оскуолабыт 9 с кылааһын кыргыттарын ансаамбылынан толорор ырыалара, биирдиилээн кырачаан ырыаһыттар , маҥнайгы кылаас уолаттара, Айсулу Музофарова, Уйгулаана Фомина, Эрхан Фомин, сынньалаҥ киин ырыаһыттара Айталы, Афанасий Новоприезжайдар, Юлия Андросова уонна Эдуард Марков, Елена Ан эҕэрдэ нүөмэрдэрэ ытыс дохсун тыаһын ыллылар, истиҥ бэлэх буолла күн күбэй ийэлэргэ.
