Найахы нэһилиэгэр » Кырдьары билиммэт сүрэхтэр» Сааһырбыттар декадаларын түмүктүүр, Тыа хаһаайыстыбатын үлэһиттэрин күнүнэн үлэ ветераннарын эҕэрдэлиир дьоро күҥҥэ элбэх киһи мустан, тэрээһин үрдүк таһымҥа ааста. Нэһилиэк баһылыга Петр Слепцов ветераннарга наҕараадалары, тэрилтэ салайааччылара ветераннарыгар сэмэй бэлэхтэри туттардылар. Ветеран Сэбиэтэ туруорбут бириистээх күрэхтэригэр, оонньууларыгар бэрт көхтөөхтүк кытыннылар. «Бастыҥ бүлүүдэ» көрүүтүгэр Анна Гуляева хаһыс да төгүлүн бастыҥ аатын ылла. элбэх оҕолоох эдэр ийэ Альбина Музофарова иккис, Анисия Дмитриева үһүс миэстэ буоллулар. «Миигин таай» хаартысканан күрэҕи Айталина Готовцева бэрт сэргэхтик ыытта. Анисия Гаврильева сиэннэр эҕэрдэлэрин устубутун таайтаран үөрдүбүт.. «Былаат-мин киэргэлим» күрэххэ «Утум» түмсүү далбар хотуттара долгулдьуһа хаамтылар. «Чэчир» детсад оҕолоро ырыанан, үнкүүнэн эҕэрдэлээн ыыппыттарын көрдүбүт, иһиттибит. Сынньалаҥ киин үлэһиттэрэ, 9 кылаас үөрэнээччитэ Саина Фомина, ветераннар Анна Фомина, Федор Петров, Вера Федорова, Эдуард Марков ылбаҕай ырыаларынан киэргэттилэр. Эдэр сааспыт оонньууларын , үҥкүүтүн көҕүлүттэн туттубут. Олохтоох дьаһалта, тэрилтэлэр тэрийбит минньигэс астаах остуолларын тула сэһэргэһэн, үөрэн-көтөн тарҕастыбыт.
