Бэс ыйын 14 күнүгэр самаан сайыны көрсө, Найахы сирин үрүҥ тунах ыһыаҕын түһүлгэтигэр дьон- сэргэ мустан сиэр-туом быһыытынан алгыс маанытын иҥэриннилэр, оһуохай эттилэр, талааннах дьон ырыалара ылланна, үҥкүүлэрэ үҥкүүлэннэ.
Аҕа баһылык аатыттан эҕэрдэ этилиннэ, бастыҥ үлэһит дьоҥҥо, спортсменнарга наҕараада туттарылынна
Ыһыах биир саамай сүрүн тэрээһиннэринэн араас куонкурустар, күрэстэр ыытылыннылар.
Дьон эрэ бары күүтэр «Тиит Буурай » өбүгэ оонньуулара XII төгүлүн бэрт сэргэхтик ыытылынна. Күүстээхтэр, быһыйдар күрэхтэригэр 8 спортсмен кытынна. Ол курдук Амматтан, Сунтаартан, Дүпсүнтэн уонна Найахыттан кытыннылар.
« Сайылык оонньуулара» 8 көрүҥҥэ күрэх «Тиит Буурай» күрэ5ин быыһыгар киллэрэн ыытыллыбыта ыһыах түһүлгэтин киэргэттэ, дьон- сэргэ сэҥээриитин ылла. Детсад саастаах о5олортон са5алаан, ыал а5аларыгар тиийэ мэтээл кэтэн, мэҥэ сурук ылан, Найахы администрациятыттан харчынан бириис уонна сыаналаах бэлэхтэри тутан кыайыылаахтар үөрдүлэр- көттүлэр.
Ону таһынан Дьиэ-кэргэн сылынан саха мааны таҥаһын көрүүтүгэр дьиэ-кэргэнинэн, биирдиилээн дьахтар уонна Аҕа сылынан эр киһи таҥаһын көрүүтүгэр күрэхтэр ыытылыннылар Бириистэри олохтоох администрация, култуура сынньалаҥ киинэ, Бороҕоҥҥо, Дьокуускайга олорор Найахылар түмсүүлэрэ , нэһилиэк депутаттара, эдэр аҕалар, норуот маастардара, нэһилиэк баһылыга Слепцов П.А., урбаанньыт Кривошапкина О.Я. олохтоотулар.
Оҕо саас сылынан оҕолорго ырыаҕа уонна чабырҕахха куонкурустар ыытылыннылар. Спонсордар Найахы орто оскуолатын уонна «Чэчир» оҕо саадын коллективтара.
Найахылар сайыны көрсөр ыһыахтарын бэрт сэргэхтик көрүстүлэр.
