Күөх сайыны көрсө, Буксуур ферматын сайылыгар нэһилиэк ветераннарын , наставниктарын Сүбэлэрин бырайыактарынан «Сайылык күнэ» ыытылынна. Тэрээһин СӨ т/х үтүөлээх үлэһитэ Светлана Кривошапкина алгыһынан, ырыатынан саҕаланна. 70-с сыллартан » Коммунизм» холкуоска, «Дүпсүн», » Найахы» сопхуостарга, «Найахы» ТХПК үлэлээбит: Светлана Сивцева, Александра Сивцева, Светлана Кривошапкина, Александра Кривошапкина, Федор Петров, Татьяна Гоголева, Антон Корякин, Любовь Ильина, Буксуур сайылык үлэһиттэрэ: ыанньыксыт, Кривошапкиннар үлэһит династияттан, элбэх оҕолоох ийэ Алла Арсентьева, СӨ т/х туйгуна Анна Румянцева кыттыыны ыллылар. Олохтоох дьаһалта баһылыга Петр Слепцов, ветеран Сүбэтин предс.Светлана Петрова, наставник Сүбэтин сал.Зинаида Константиноваа, Оксана, Дмитрий Кривошапкиннар, Любовь Ильина ферма үлэһиттэрин эҕэрдэлээн, сэмэй бэлэхтэри туттардылар. Наставниктар, РФ үөрэҕириитин туйгуна Матрена Сивцева, ЫБСЛКС 17 съеһин делегата Федор Петров, дэгиттэр талааннаах эдэр Анатолий Свинобоев ылбаҕай ырыаларын, РФ үөрэҕириитин туйгуна Вера Мухина Буксуур олоҕун туһунан ахтыытын сэргээтибит. 6 түһүмэхтээх күрэхтэһии бэрт көхтөөхтүк ыыттыллан, кыайыылаахтарга Мария Лебедкина минньигэс аһынан күндүлээтэ. «Ааспыты ахтыһан, үтүөнү түстэһэн» остуол тула оонньоон, ыллаан, ветеран Сүбэтин бириистэрин туттардыбыт. Эдэр сааһы ахтыһан, күлэн-үөрэн, өйдөбүнньүк хаартыскаҕа түһэн, алаас ыраас салгынынан дуоһуйа сынньанньыбыт. Бары көхтөөх кыттыыны ылбыт, тэрийсибит ветераннарга, кэлиини-барыыны хааччыйбыт Оксана Яковлевнаҕа, Семен Семеновичка ,Федор Дмитриевичка махтанабыт. Уйгулаах сайыҥҥа өлгөм үүнүүнү, илгэ быйаҥы, чэгиэн туругу, бары үтүөнү баҕарабын.
