Олунньу 13 күнүгэр — Ийэ тыл, сурук бичик күнүгэр Найахыбыт нэһилиэгэр «Төрүт тыл түһүлгэтэ» уус-уран ааҕыы күрэҕэ үрдүк таһымҥа буолан ааста.
Күрэххэ кыттыыны ыллылар нэһилиэк тэрилтэлэрэ, түмсүүлэрэ, оскуола оҕолоро, уһуйаан иитиллээччилэрэ, уопсайа 64 кыттааччы төрөөбүт төрүт тылларынан саха суруйааччыларын хоһооннорун уустаан-ураннаан ааҕан кытыннылар.
Күрэҕи сыаналаатылар олохтоох модельный библиотека сэбиэдиссэйэ Саха Өрөспүүбүлүкэтин култууратын туйгуна Готовцева А. С., Саха Өрөспүүбүлүкэтин үөрэҕэриитин туйгуна саха тылын бэтэрээн учуутала Найахы нэһилиэгин бочуоттаах олохтооҕо Готовцева Л. Г., Российской Федерация норуот үөрэхтээһинин туйгуна, Саха Өрөспүүбүлүкэтин учууталларын учуутала, гражданскай килбиэн бэлиэ хаһаайына Найахы нэһилиэгин, Уус-Алдан улууһун бочуоттаах олохтооҕо Мухина В. П.
Саха тыла өркөн өйбүт саамай кэрэ, саамай күндү умнуллубат, уостан түспэт бэлиэ күнү бэлэхтээтэ Найахыларга.