МБУ "НАЯХИНСКИЙ ЦЕНТР ДОСУГА ИМ. И.И.АРТАМОНОВА"

МБУ "НАЯХИНСКИЙ ЦЕНТР ДОСУГА ИМ. И.И.АРТАМОНОВА"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ "НАЯХИНСКИЙ ЦЕНТР ДОСУГА ИМ.И.И.АРТАМОНОВА"

«Найахыларга 100 куолас ньиргийдэ…»

Муус устар 26 күнүгэр Найахы нэһилиэгэр Саха АССР төрүттэммитэ 100 сылын бэлиэтиир , өрөспүүбүлүкэ күнүн көрсөр улахан тэрээһин өрө көтө5үллүүлээхтик үрдук таһымна ыытылынна.
Үбүлүөйдээх бэлиэ күнү нэһилиэк дьоно-сэргэтэ кыратыттан саҕалаан кырдьаҕаһыгар тиийэ «Тиит Буурай» спорт киинигэр тоҕуоруһа мустан сомоҕолостулар.
Тэрээһин нэһилиэк баһылыга хаамтаран киллэрэр сахалыы таҥастаах тэрилтэлэр, тумсуулэр, оскуола үерэнээччилэрэ уһуйаан иитиллээччилэрэ кыттыылаах сэлэллии хаамыынан, өрө көтөҕүүлээх уус-уран тыллардаах дииктэрдэр саҥаларынан, Саха өрөспүүбүлүкэтин гимнынан саҕаланна.
Саха өрөспүүбүлүкэтин төруттээбит саха чулуу биллиилээх деятеллэри хоһуйан көрдөрөн, кинилэр эппит этиилэрин «Уоланнар» уус-уран ааҕыы кыттыылаахтара (сал. Федорова А.Н., Гаврильева А.С. ) боччумнаахтык туттан-хаптан, бэриниилээхтик хоьоону ааҕан олохтоохтор сүргэлэрин көтөхтулэр.
Нэһилиэк баһылыга Слепцов П.А. дьонугар-сэргэтигэр э5эрдэ тылларын этиитэ, Уус-Алдан улууьун уерэхтээһин управлениятын начальнига Тарская И.М. Найахыларга анаан эҕэрдэтэ, өрөспүүбүлүкэ историятын, улууска билигин буола турар хамсааһыннар тустарынан сырдатыыта нэһилиэнньэни үертүлэр. «Найахылар ыллыыллар» эр дьон ансаамбыла (сал. Аргунова С.Д.) «Улахан убайдар» ырыалара, СӨ үерэҕэриитин туйгуна, учууталлар учууталлара, Найахы нэһилиэгин бочуоттаах олохтоо5о, элбэх ыччаты хомуска уһуйбут, хомусчут, сыана бэтэрээнэ Готовцева Л.Г. салайааччылаах хомусчуттар бөлөхтөрө, ыччат оҕолор Саха былаахтаах уҥкүүлэрэ, Найахы хорун саҥа саҕалаан эрэр эдэр ырыаһыта Ваня Фомин , «Кэрэл», «Айхаллан» ырыа ансаамбылларын ырыалара, «Симэх» түмсүү (сал. Гоголева Х.И.) далбар хотуттара сахалыы сон симэнэн кыһыл доруосканан дьон иннигэр хааман бырааһынньыгы өссө киэргэттилэр.
Ырыа куттаах Найахылар өрөгөй күнү көрсө » Саха АССР 100 сылыгар — 100 куолас ыллыыр» диэн С.Ченянов матыыбыгар «Саргылан, Сахам сирэ!» улахан хорунан С.Д. Аргунова хормейстердаах ыллаан ньиргиттилэр.
100 сыллаах үбүлүөйдээх тэрээҺиннэрин спортзал былассааккатын тобус толору тегүруччү илии- илиилэртэн ылсыһан «найахылыы оьуохайынан» СӨ үерэҕириитин , СӨ ыччат политикатын туйгуннара, Найахы народнай хорун солистката, терүт култуура учуутала Рожина Е.Е. дьиэрэтэн ыллаан оһуохайы таһааран түһүлгэни түстээтилэр.
«100 араас саха аһа» түелбэлэр кэрэ аҥардара бэлэмнээбит быыстапкаларынан сахалыы астаах сандалы остуолунан мустубут дьону кундулээтилэр.
Ол кэннэ өбугэ оонньууларын араас көрүҥҥэригэр күрэх ыытыллан кыайыылаахтар үбүлүөйүнэй мэтээлинэн, грамотанан наҕараадаланан үөрэн тарҕастылар.
Дьэ, бу күн кырдьык Найахы дьоно-сэргэтэ, кэлэр кэнчээри ыччата саха буолан аатырбыт өрөгейдөөх үбүлүейдээх күнү бука бары биир санаанан түмсэн, сомоҕолоьон уруйдаатылар, айхаллаатылар!

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>