МБУ "НАЯХИНСКИЙ ЦЕНТР ДОСУГА ИМ. И.И.АРТАМОНОВА"

МБУ "НАЯХИНСКИЙ ЦЕНТР ДОСУГА ИМ. И.И.АРТАМОНОВА"

МУНИЦИПАЛЬНОЕ БЮДЖЕТНОЕ УЧРЕЖДЕНИЕ "НАЯХИНСКИЙ ЦЕНТР ДОСУГА ИМ.И.И.АРТАМОНОВА"

Чурапчыга «Үҥкүү – дууһам алыба» үҥкүү күрэҕэ

Бэҕэһээ о.э. муус устар 10 күнүгэр, Чурапчы улууһун Болугур нэһилиэгэр Е.С. Дьячковскай аатынан Мындаҕаайытааҕы норуот айымньытын дьиэтин тэрийиитинэн «Үҥкүү – дууһам алыба» үҥкүү кэлэктииптэрин күрэҕэ ыытылынна. Быйылгы үбүлүөйдээх сылга бу күрэх Чурапчы улууһун култууратыгар сүдү кылаатын киллэрбит ССРС култууратын, СӨ үөрэҕириитин туйгуна, эколог, СӨ Президенин Гранын кыайыылааҕа, режиссер, сценарист, үҥкүү туруорааччы Николай Протодьяконов төрөөбүтэ 85 сылыгар ананан ыытылынна. Күрэх кэтэхтэн этаабыгар өрөспүүбүлүкэ араас улуустарыттан 47 үҥкүү бөлөҕө кыттыбыт. Олортон талыллан гала-кэнсиэргэ ыҥырыыны тутан 23 кэлэктииптэн уопсайа 200-тэн тахса кыттааччы тиийбит. Бу киэҥ далааһыннаах күрэххэ улууспутуттан И.И. Артамонов аатынан Найахытааҕы сынньалаҥ киинин иһинэн үлэлиир орто уонна аҕа саастаахтар үҥкүү бөлөхтөрө (сал. СК методиһа, СӨ култууратын туйгуна Алена Гаврильева) ситиһиилээхтик кыттан кэллилэр.

ол курдук орто бөлөххө (дьҕ-ҕ: саастаахтарга) «Чэлгийээнэ» (сал. СК методиһа, СӨ култууратын туйгуна Алена Гаврильева) үҥкүү бөлөҕө «Казахскай» үҥкүүнү толорон 3-с степеннээх лауреат аатыл ылла. Онтон 50-тан үөһээ саастаахтарга «Күбэйэ» үҥкүү ансаамбыла (сал. СК методиһа, СӨ култууратын туйгуна Алена Гаврильева, СӨ култууратын, үөрэҕириитин туйгуна Мария Лебедкина) «Найахылыы оһуохай» үҥкүүнэн 2-с степеннээх лауреат аатын сүктүлэр.

«Чэлгийээнэ» үҥкүү бөлөҕө
«Күбэйэ» үҥкүү бөлөҕө

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>