Сэтинньи 22 күнүгэр Амма сиригэр , Ф.Потапов аатынан култуура дьиэтигэр СР култууратын туйгуна, Амма улууһун , Болугур нэһилиэгин бочуоттаах олохтооҕо Майрод Александрович Ноговицын төрөөбүтэ 85 сылыгар аналлаах илиҥ эҥэр улуустар хор кэллэктииптэрин икки ардыларыгар ыытыллыбыт көрүү-куонкуруска С.Г. Васильев аатынан Найахы народнай хора (хормейстер Новоприезжая А.А. )кыттыыны ылан 1 истиэпэннээх лауреат үрдүк аатын ыллылар.
Куонкуруска уопсайа 15 самодеятельнай, 3 народнай ааттаах кэллэктииптэр кытыннылар.
Найахыбыт хора ситиһиилээхтик кыттан кэлбитигэр бары хоровой ускуустубаны сэҥэрээччилэргэ, биир дойдулаахтарбытыгар, хорбут ырыаһыттарыгар эҕэрдэбитин тиэрдэбит.
Найахы нэһилиэгин салалтатын (баһылык Слепцов П.А.), И.И. Артамонов аатынан Найахы сынньалаҥ киин коллективын (дириэктэр Гаврильев Дь.В. ) ааттарыттан айаҥҥа барыыга-кэлиигэ транспорынан күүс-көмө буолбут Уус-Алдан улууһун култуураҕа управлениятын салайааччытыгар Киренская Эльза Михайловнаҕа, үөрэх управлениятыгар уонна суоппар Егор Михайловичка барҕа махталбытын, тиэрдэбит.
Найахы ырыата өссө да ыраахха дьиэрэйдин!
