Илья Иванович Артамонов аатынан Найахы сынньплаҥ киинин иһинэн тэриллибит «Долун» уол оҕо үҥкүүтүн кыра уонна улахан бөлөҕө муус устар 13-16 күннэригэр Санкт-Петербург куоракка ыытыллыбыт
» Планета искусств» норуоттар икки ардыларыгар ыытыллыбыт бэстибээл-куонкуруска уопсайа араас дойдулартан кыттыбыт 54 кэллэктииптэн
2 с истиэпэннээх лауреат үрдүк аатын ылары ситиһэн дипломунан, анал кубоктарынан наҕараадаланан кыайыы үктэллээх бүгүн дойдуларыгар айаҥҥа туруннулар.
Кэллэктиип куонкуруска икки үҥкүүнэн- «Саха оонньуулара» уонна «Хаар үҥкүүтэ» (кыра бөлөх) кытыннылар. Салайааччы СР култууратын туйгуна, балетмейстер Гаврильева Алена Васильевна.
Оҕолор куонкурустаһар күннэрин таһынан биир саамай историялаах, кыраһыабай куорат устун экскурсияларга сылдьан, элбэҕи билэн, илэ харахтарынан көрөн-истэн олус астыннылар.
Ыраах куоракка айанныылларыгар , салайааччыга көмө буолан тэҥҥэ сылдьыспыт төрөппүттэргэ Татьяна Константиновнаҕа, Альбина Вячеслановнаҕа, Мичиийэ Владимировнаҕа махталбытын тиэрдэбит.
Бары оҕолорго, төрөппүттэргэ таһымнаах бэстибээлгэ үрдүк ситиһиигитинэн эҕэрдэ буолуохтун.
Үҥкүү кэрэ көстүүтэ тупсарыгар көстүүм тикпит нэһилиэкпит иистэнньэҥнэригэр барҕа махтал тылларын аныыбыт.
